Bréf til jólasveinsins
Eftir P.B. Phillips

Kæri jólasveinn,

 

Ég vona að þið frúin hafið það bæði gott og séuð hamingjusöm.

Ég skrifa þér af einlægni, ekki til að betla, skríða eða vera væminn.

 

Ég var óþekkur á þessu ári, ég veit að ég stóð mig langt undir væntingum.

Ég held að það hafi verið af því að ég tæmdi, nánast hvern einasta bar.

 

Til að bæta fyrir það lofa ég að vera sérstaklega góður næstu tólf mánuðina.

Jafnvel í kosningum mun ég ekki kalla stjórnmálamenn, hóp af eigingjörnum smáþrjótum.

 

Mig langar ekki í mikið í jólagjöf í ár.

Ég treysti á þína góðu dómgreind, að taka lokaákvörðunina.

 

En ef ég hef eitthvað um það að segja, þá langar mig bara í smá hugarró.

Nokkrar stundir laus við einveruna og að einhver sé góður við mig.

 

Ég geri ráð fyrir að ég hafi ekki unnið mér inn fyrir því, ég veit að ég er hundleiðinlegur.

Ég tala svolítið önuglega og haga mér dálítið skringilega.

 

En ef þú sérð þér fært, að færa mér, jafnvel bara smávegis af ást.

Þá mun ég falla á kné, leggja saman hendur og þakka Guði á himnum.

 

Þinn þjónn,

E. Scrooge.

​